Masjid al-Iman Banjarasri Kanggo Shalat Jumat Maneh

Kawiwitan awal sasi Maret 2020 iki, Masjid al-Iman Banjarasri kang dumunung ing wilayah pedukuhan Paras Banjarasri ora dinggo Shalat Jumat lan pangiadahan liyane kaya adat biasane. Awit nyengkuyung dhawuhi para ulama, pemerintah kang adhedhasar dhawuhi para winasis ing kesehatan supaya Covid-19 ora sumebar lan ora dadi pagebluk warga ing sak kiwa tengene.

Kegiatan Pagibadahan dilereni sakuntara.
Shalat Jumat kang biasane dirawuhi jamaah kakung seka laladan Paras, Kepiton, Kisik kepeksa dilereni dhisik amarga sumebare Pagebluk Virus Corona-19, menawa basa menterenge Corona Virus Desease-19 utawa COVID-19. Ora mung shalat Jumat kang dilereni ing masjid iki, ananging kabeh kegiatan kan sifate nglumpukka umat kados dene jamaah shalat wajib (kalebu shalat maghrib, isya, lan syubuh), pengajian kang sifate gedhe kaya pengajian kang diasta ustadz Muhammad Abduh Tuasikal (ustadz kang asale seka Maluku, ananging netep ing Kabupaten Gunung Kidul), pengajian lapanan kang diadani saben malem Jumat Kliwon, pengajian sepasaran kang diadani saben malam Jumat.

Pangibadahan wulan Ramadhan
Ana ing Ramadhan tahun iki, takjilan kang biasane dianakake ing masjid uga dilereni, Shalat tarawih kang biasane regeng uga kepeksa ora ditindakke ing kene. Sing ana mung zakat fithrah senajan kanthi syarat kang ketat kaya to panitia lan para muzaki kudi nganggo masker, jaga kadohan, ora salaman, kudu wish nganggo sabun lan liya-liyane.

Idul Fithri
Ramadhan rampung, warga uga ora isa ninadkke shalat Idul Fitri kaya adad sebene. Masjid al-Iman ora dikeparengake kanggo papan shalat Idul Fithri. Kepeksa para warga shalat Id ing omahe dhewe-dhewe utawa ing mushala kampunge dhewe-dhewe.

New Normal
Awit wiwit tanggal 8 Juni 2020, pemerintah Kabupaten wis ngijinake Masjid kanggo shalat Jumat maneh. Takmir Masjid al-Iman nggelar rapat lan mutuske Shalat Jumat bisa diadani ing Masjid al-Iman maneh senajat nganggo tata cara kang sarwo ketat.
Panitia kudu nyediakke hand sinitazer, utawa perangkat kanggo cuci tangan, alat kanggo ukur suhu badan, masjid kudu disemprot disinfektan, warha kang tindak shalat jumat kudu nganggo masker, ngasto lemek sujud, jaga kadohan, ora salaman lan sak piturute.

Sugeng Jumatan